愉景灣廣場｜「唔Take嘢　超級營」快閃抗毒遊戲攤位

活動簡介

今個星期六，「唔Take嘢　超級營」快閃抗毒遊戲攤位終於登陸愉景灣！唔好錯過呢個機會，帶埋屋企人一齊嚟，過一個充實又有意義嘅親子週末！

自四月推出以來，呢個快閃攤位差不多走勻全港18區，反應熱烈！而家活動已經接近尾聲喇，機會難得，大家要好好捉住佢嘅尾巴！

活動亮點：

• 免費入場，一家大細都啱玩

• 寓學習於遊戲，輕鬆認識禁毒知識

• 成功挑戰 仲有豐富精美紀念品等你拎返屋企

攤位設有三個遊戲，參加者可以化身成人生「守護隊」隊員，學識分辨健康生活習慣同危險毒品陷阱、學識拒絕毒品、同埋學識平衡生活嘅良好習慣。完成挑戰後，仲可以升級做「禁毒先鋒」，獲得精美紀念品。

快啲約埋親朋好友，一齊嚟愉景灣玩遊戲、學禁毒知識、攞禮物啦！

記得幾時都要「一齊企硬　唔take嘢！」